ଦଶରଥପୁର ବ୍ଲକ ନିଜାମପୁର ସେବା ସମବାୟ ସମିତି ରେ ଲାଗୁନି ଧାନମଣ୍ଡି କି ଉଠୁନାହିଁ ଧାନ ।

ନିଉଜ ପଏଣ୍ଟ ଓଡ଼ିଶା (ବ୍ୟୁରୋ) : ଗତ ମଇ୨୮ ତାରିଖ ରୁ ମଣ୍ଡି ଲାଗିବା ପାଇଁ ସରକାରଙ୍କ ନିୟମ ଥିଲେ ମଧ୍ୟ ଏଯାଏ ଲାଗୁନି ଧାନ ମଣ୍ଡି କି ଉଠୁନାହିଁ ଧାନ। ଏ ନେଇ ଯାଜପୁର ଜ଼ିଲ୍ଲାପାଳଙ୍କୁ ଅଭିଯୋଗ ଜଣାଇଲେ ୨୦୦ରୁ ଉର୍ଦ୍ଧ୍ବ ଚାଷୀ । ଯାଜପୁର ଜିଲ୍ଲା ଦଶରଥପୁର ବ୍ଲକ ନିଜାମପୁର ସେବା ସମବାୟ ସମିତି ଏବଂ ସାଇ କ୍ରିଷ୍ଣା ଏସଏଚଜି ରେ ଏଯାଏ ଲାଗିନି ଧାନମଣ୍ଡି। ମଣ୍ଡିରେ ପଡ଼ି ରହିଛି ହଜାର ହଜାର କ୍ୟୁଣ୍ଟାଲ ରବି ଧାନ ମାତ୍ର ଆସୁନାହାନ୍ତି ମିଲର। ରବି ଧାନ ମଣ୍ଡି ନ ଲାଗିବା ଫଳରେ ଚାଷୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଏଥିସହ ଜମି ର ପରିମାଣ ଅଧିକ ଥିଲେ ମଧ୍ୟ କମ ଟୋକନ ଆସିଥିବା ଅଭିଯୋଗ କରିଛନ୍ତି ଚାଷୀ। ଆଜି ସ୍ଥାନୀୟ ଅଂଚଳ ର ଚାଷୀ ମାନେ ମିଳିତ ଅଭିଯୋଗ ଶୁଣାଣିରେ ଏନେଇ ଜ଼ିଲ୍ଲାପାଳ ଙ୍କ ନିକଟରେ ଅଭିଯୋଗ କରିଛନ୍ତି । ତୁରନ୍ତ ମଣ୍ଡି ନଲାଗିଲେ ଆନ୍ଦୋଳନ କରାଯିବା ସହ ମିଲରଙ୍କ ବିରୁଦ୍ଧରେ ମଙ୍ଗଳପୁର ଥାନାରେ ଲିଖିତ ଅଭିଯୋଗ କରିବାକୁ ଚାଷୀମାନେ ଚେତାବନୀ ଦେଇଛନ୍ତି । ମଣ୍ଡିରେ ଧାନ ବିକ୍ରି ବିଳମ୍ବ ହେବାରୁ ଚାଷୀମାନେ ଅଭାବୀ ବିକ୍ରି କରୁଥିବା ଦେଖାଦେଇଛି।