ଜଣେ ବର ସାଥୀରେ ବରଯାତ୍ରୀ ଧରି ରୋଷଣୀ କରି ବିବାହ କରି କନ୍ୟାଙ୍କୁ ଘରକୁ ଆଣିଥିଲେ । ସେ କନ୍ୟା ସହିତ ଏକ ସୁନ୍ଦର ଜୀବନର ସ୍ୱପ୍ନ ଦେଖିଥିଲେ। କିନ୍ତୁ ସେ ଜାଣି ନଥିଲେ ଯେ କନ୍ୟା ମନରେ କ’ଣ ଯୋଜନା ଚାଲିଛି। ବିବାହ ପରେ କନ୍ୟା ଜଣକ ଚତୁର୍ଥୀ ଦିନ ପ୍ରେମିକଙ୍କୁ ଡାକି ତାଙ୍କ ବାଇକରେ ବସି ଫେରାର ହୋଇଯାଇଛନ୍ତି । ଯାହା ଫଳରେ ବର ଜଳକା ପାଲଟିଛନ୍ତି । ଘଟଣାଟି ଉତ୍ତର ପ୍ରଦେଶର ସୋନଭଦ୍ରର।
୨୭ ମେ’ରେ ବାଭାନୀ ଥାନା ଅଞ୍ଚଳରେ ଏକ ଝିଅର ବିବାହ ହୋଇଥିଲା। ବିବାହର ମାତ୍ର କିଛି ଘଣ୍ଟା ବିତିଥିଲା ଯେ, କନ୍ୟା ଏପରି କାମ କଲା ଯେ ଶାଶୁଘର ଲୋକମାନେ ଆଶ୍ଚର୍ଯ୍ୟ ହୋଇଗଲେ। କନ୍ୟା ଚତୁର୍ଥୀ ପୂର୍ବରୁ ତାଙ୍କ ପ୍ରେମିକଙ୍କୁ ଡାକିଲେ। ବର ରୁମକୁ ଆସିବା ମାତ୍ରେ କନ୍ୟା କହିଲେ – ମୁଁ ଏବେ ଆସିବି। ମୋତେ କିଛି କାମ ମନେ ପଡ଼ିଗଲା। ବର ରୁମରେ ତାଙ୍କ ପାଇଁ ଅପେକ୍ଷା କରି ରହିଲେ ଏବଂ କନ୍ୟା ତାଙ୍କ ପ୍ରେମିକଙ୍କ ବାଇକରେ ବସି ଫେରାର ହୋଇଗଲେ।
ଯେତେବେଳେ ବର ଏବଂ ତାଙ୍କ ପରିବାର ଏହା ଜାଣିଲେ, ସେମାନେ ଆଶ୍ଚର୍ଯ୍ୟ ହୋଇଗଲେ। ସେମାନେ ଏ ବିଷୟରେ ଝିଅର ପରିବାରକୁ ଜଣାଇଲେ। ଏ ବିଷୟରେ ବହୁତ ହଙ୍ଗାମା ହୋଇଥିଲା। କନ୍ୟା ଏବଂ ତାଙ୍କ ପ୍ରେମିକ ମଧ୍ୟ ଏହା ଜାଣିପାରିଲେ। ତା’ପରେ ପ୍ରେମିକ ନିଜେ କନ୍ୟାକୁ ତାଙ୍କ ବାପଘରକୁ ପଠାଇଦେଲେ। କିନ୍ତୁ ଏଠାକୁ ଆସିବା ପରେ କନ୍ୟା ତାଙ୍କ ପ୍ରେମିକ ସହିତ ରହିବାକୁ ଜିଦ୍ କରିବାକୁ ଲାଗିଲେ। ପରିବାର ତାଙ୍କୁ ବୁଝାଇବାକୁ ଚେଷ୍ଟା କଲେ। କିନ୍ତୁ ଯେତେବେଳେ କଥାଟି ସମାଧାନ ହେଲା ନାହିଁ, ସେତେବେଳେ ପଞ୍ଚାୟତ ପାଖରେ କଥା ପହଞ୍ଚିଲା।
